ARIAL e CAIXANOVA asinaron un acordo para o financiamento do novo proxecto de ARIAL en Santiago. As obras comezaron o pasado mes de Xuño e serán rematadas no último trimestre de 2010.

A pesar da conxuntura financeira actual, CAIXANOVA interesouse polo financiamento da segunda promoción de ARIAL en Santa Marta, cunha clara aposta por este singular proxecto de arquitectura residencial no centro urbano de Santiago. Este acordo reforza a solidez financeira de ARIAL para executar os seus proxectos nos próximos cinco anos.

ARIAL M6 é un conxunto residencial formado por 78 vivendas de diferentes tipoloxías distribuídas en cinco plantas e baixo cuberta, ademais de planta baixa para uso terciario e tres sotos de aparcadoiro.

O edificio complétase cunha singular

zona privada para a instalación dunha área dedicada a zonas verdes, espazos de recreo, piscina e solario. Os arquitectos Manuel Carbajo e Celso Barrios conseguiron fusionar as necesidades dunha promoción residencial cunha imaxe afastada dos canons habitualmente utilizados.

Santa Marta converteuse na principal zona de expansión do ensanche sur da cidade. En próximas datas acollerá a apertura dun gran espazo comercial a cargo dunha importante entidade do sector da alimentación. Ademais, está proxectada a construción dunha nova sede da Xunta de Galicia, un innovador edificio de 10 plantas deseñado polo estudo Morales de Giles. Así mesmo, a finais do presente ano comezará a construción do novo Centro de Saúde do Sur de Santiago, tamén en Santa Marta, deseñado para ofrecer servizo a 20.000 usuarios.